「喂,小姐,你喺度影啲乜嘢?係咪記者?」
身穿制服的人,其實最危險,因為他永遠都不知道,正在跟何許人士交涉.
「冇呀,我部相機壞壞哋,試下機啫.我周街影o架~~」
機器壞是真,至於係咪影嚟玩下就算,有待明早老細發落.眼見他們膞頭有特區區徽,應該是政府人.與屋邨管理署的保安不同,這些阿叔是可以拉人封艇,沒收輜重的.故此一開口,音量也較大.
「我理得你影乜,總之你影我就唔得,比我睇下先!delete咗佢~~」
我承認今次是猖狂了一點,兕口兕面咁影你,但咁辛苦先影到,冇理由你話DELETE就DELETE GA,比你睇?係咪連絶密祼照都要公諸於世先?我咪好蝕底?呢個阿叔真係好义煩.事緣某屋邨自天地初開之時已有大批熟食小販進跓,早年更盛傳有黑勢力盤據於此.近年房署人員一個星期都會有幾晚到來'站崗'.所謂站崗,就真是站在崗位上,小販則依舊在後營業,蔚為奇觀.而以往推著坦克車奔馳的小販,現在連叫賣也免了,一個個舉著紙牌,魚蛋腸粉碗仔翅,你買佢賣,從發泡膠箱內取出燒賣牛肉紅豆沙.講真,我愛小販,小本經營的風景,無謂趕到咁絶.但香港現時太平盛世,記者們沒有太多有意義的事幹,唯有又走去看看.
「你PLAY得咁快我點睇?襟番轉頭!分明影緊我,你真係路過洗乜咁驚?一係報警囉~」
報警咪報警.這一刻,本人唯恐天下不亂.呢位阿叔態度惡劣,惹人反感.擾嚷多時,未見警察,只見幾十個房署/管理處/小販/街坊/好事之徒漸漸形群.及後警車到場,pc51998&51567上前查問.
「yea~~阿sir唔制啊~~佢蝦我~影人地相又唔認~~仲影咗成個鐘tim ar~又話要報警又盛...」阿叔說明自己工作敏感,害怕被人點相,唔知會唔會比d小販/壞人偷拍云云.本人自問臉皮厚,但講到賴皮,指鹿為馬,或對槍械的崇敬,真係自愧不如,唯有默然.
「嗱,你咁gei態度我哋好難調停你地gei糾分ga,乖乖地...」51998+51567加埋都未夠未半百,已甚有慈父之風.事事但但啦,本人都係事但想知道你班友企響度個乜,d小販喺後面又做乜,同埋阿叔你姓甚名誰咩部門啫.
「關你咩事!我冇需要話你知~~」是是但但啦,最後雙方各自報上電話地址身份證號碼,劃個押,算係'冰釋前嫌'.亦因為如此,兩位阿叔的姓名門派亦得以昭告天下.
「冇啦,乜資料都比晒人啦,第日就知佢玩乜~自己小心d啦」愛死這壞鬼相機,在開唔到file但又save咗gei情況下,相片得以保存.其實兩位又唔洗咁機警,如果我老細係一仔便利,你可能真係會比人照肺.但以某報的風格,好玩的事都留番自己笑完就散,是不會立亂公諸於世的.你估我真係好鐘意做underdog?誰不想寫食經,去旅行,順道發表偉論就當交差?用工餘時間同d阿叔/阿伯/騙子/io/pr紏纏?太不化算.懷念ball場的衣香繽影,脂香粉膩,總比赤祼爛面來得高貴.
